Jabuuti (Moment Media Group) Afartan sano ayaa maanta laga joogaa markii si rasmi ah loo qoray loona meelmariyey Farta Soomaaliga waxaana munaasabad aad u ballaaran oo lagu maamuusayo 40-guuradaasi ay maanta ka dhacaysaa wadanka Jabuuti.
Sanadkii 1972-kii bishii Disembar ayay ahayd markii guddigii qoraalka farta Soomaaliga ay si rasmi ah u shaaciyeen in farta Laatiinka loo doortay in lagu qoro Farta Soomaaliya, isla markaana si raskmi ah loo ansixiyey in Laatiinka loo qaato qoraalka Farta Soomaaliga taasoo door weyn ay ka qaadatay dawladii Kacaanka ee uu hogaaminayey AUN marxuum Maxamed Siyaad Barre oo ahaa madaxweynihii Soomaaliya.
Madax ka kala socota qeybaha Soomaalida, fannaaniin, hal abuurayaal, aqoonyahano, qalinley, wariyaal iyo marti sharaf aan Soomaali ahayn ayaa ka qeybgalaya xafladan oo ah midii ugu ballaarneyd ee loo qabto Farta Soomaaliga iyo dhaqanka Soomaaliida, waxaana munaasabada sidoo kale lagu soo bandhigi doonaa waxyaabo kale oo dhaqanka iyo far shaxanka la xiriira.
Madaxweynaha Jamhuuriyada Jabuuti Ismaaciil Cumar Geelle iyo madaxweynaha Soomaaliya Xasan Sheekh Maxamuud ayaa lagu wadaa inay khudbado ka jeediyaan munaasabadan 40-guurada qoraalka Farta Soomaaliga oo maanta loo dabaaldegayo.
Qaamuuskii ugu weynaa
Dhanka kale waxaa munaasabada maanta lagu soo bandhigi doonaa Qaamuuskii ugu weynaa ee abid laga sameeyo Afka Soomaaliga kaasoo uu maalgeliyey madaxweynaha Jabuuti. Qaamuuskan oo ka kooban 40,000 erey ayaa loo qeybin doonaa dhamaan gobollada dalka si dadka u wada iibsan karaan.
Sida uu shaaciyey guddiga qabanqaabada shirka oo ka tirsan ururka dadka ku hadla Qalinleyda ku Hadasha Af Soomaaliga, waxaa kaloo qorshaha ku jirta in laga hadlo sidii loo horumarin lahaa farta Soomaaliga oo loogu dari lahaa Qamuuska dhanka internet-ka si looga helo aalada Google.com oo dhamaan luuqadaha adduunka laga heli karo.
Halkaan ka Akhri Qabyatirka Far Soomaalida
=====================
Waxbarashada waa furaha Nolosha, Aqoon la’aan waa iftiin la’aan,
Leave a comment
No comments yet.
Leave a comment