Baarlamaanka Soomaaliya oo u yeeray wasiirada gaashaandhigga iyo arrimaha dibadda Soomaaliya, kana dalbaday inay jawaabo cad bixiyaan…

Waxaa shalay magaalada Muqdisho kulan ku yeeshay Baarlamaanka Soomaaliya, kaas oo looga hadlay miisaaniyadda ay ku howlgaleyso sanadka cusub Xukuumadda uu hogaamiyo Cabdi Faarax Shirdoon, waxaana kulanka looga hadlay arrimo kale oo badan iyadoo si gaar ah looga hadlay waxa ka jira wararka sheegaya in la kireeyay safaaradda Soomaalida ee dalka Talyaaniga iyo xarigii wariyihii BBC-da iyo arrimo kale.

 Fadhigan oo ahaa mid xasaasi ah isla mar ahaataana uu shir gudoominayey Guddoomiye ku xigeynka labaad ee baarlamaanka Soomaaliya Mahad Cabdlle Cawad loogana hadlayey miisaaniyadda sanadka 2013-ka ayaa waxaa ka hadlay xildhibaano gaaraya 19-Xildhibaan kuwaas oo ku dheeraaday ka hadalka miisaaniyadda sanadka 2013-ka iyo mushaarka ay qaadanayaan xildhibaanada qudhooda.

Xildhibaan Khaalid Cumar Cali oo ka mid ahaa xubno loo xilsaaray diyaarinta miisaaniyadda sanadka 2013-ka gaar ahaan mushaaraadka Baarlamaanka ayaa sheegay inay talo ku soo jeediyeen in xildhibaan kasta bishii uu qaato 3600 oo doolar, taas oo kala qeybsan dhowr-qeybood oo qaar uu ku tilmaamay fadhi, qaar ay ku baxeyso gaadiid, qaarna ay ku baxeyso ammaanka, isagoo sidoo kale sheegay in Guddiyada Baarlamaanka ay ku talinayaan in laga dhigo 11 Guddi oo mid waliba wasaaradah uu qaabilsanyahay uu la xisaabtamo amaba uu dabagal ku sameeyo.

Dhinaca kale mudanayaasha Baarlamaanka Soomaaliya ayaa ka dalbaday wasaaradda arrimaha dibadda ee dowlada Soomaaliya inay ka hadasho waxa ka jira in la kireeyay safiiraddii ay Soomaaliya ku laheyd dalka Taliyaaniga iyo sababaha keenay haddii ay jirto, sidoo kalena wasaaradda gaashaandhigga ayaa laga dalbaday inay cadeyso sababihii keenay xarigga wariyihii idaacada BBC-da ee magaalada muqdisho Ibrahim Maxamed Aadan oo dhawaan ay xireen Ciidamo ka tirsan dowladda Soomaaliya.

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s