Shariif Sheekh Axmed waxa uu ku Tuntey Nidaamkii Awood-Qeybsiga Safiirada

 

Qormadan kooban waxa aan doonayay inaan la wadaago Dadka Soomaaliyeed, maanta Mowduucan aan daaha ka furayo uu yahay mid ku haboon in laga hadlo.

Akhristayaal sida aan la wada socono Dalalka Caalamka waxa ka jira Nidaam guud oo ey u shaqeeyaan marka ey timaado Dibulomaasinada iyo Habka shaqo ee lagu cayimo qofka loo caleema saarayo inuu noqdo Safiir, Dalalka intooda badan ayaa ku cayima Qofka Safiirka u noqonaayaa dalkaas inuu marka hore yahay Qof Waaya-arag Siyaasadeed ah Xilal kala duwan ka qabtay dalkaas isla-markaana gaarey Biseyl Siyaasadeed waxana uu galaa Khaanada (Diplomatic Mission) Hadaba Dalkeena Hooyo 1960.1991, Waxa lagu magacaabi jirey Safiirada intooda badan hab-dhaqankan aan xusey walow ey jireen Safiiro siyaabo kale loo xushey hadana, inta badan Safiiradii Soomaaliyeed ee hore waxa ey ahaayeen kuwa buuxiyay Shuruudahii Safiirnimo, Maanta wali waxaa nool Ragii ahaan jirey Safiirada markaad horfariisato amase aad la sheekeysato waxa aad ka dheehaneysaa Aragti fog iyo Khibrad Siyaasadeed oo gaamurtey.

Hadaba markii uu dhacay Dagaalkii Sokeeyee ee naafeeyay Bulshada Soomaaliyeed, waxaa bur-burey habkii Dowladnimo iyo Heykalkii Dowladeed, waxana ey taasi keentay in la arko Dowlado iyo Madax aan ku sifoobin habdhaqankii Rasmiga ahaa ee Dowladnimo, Soomaaliya waxa ey qaadatay Nidaamka eexda iyo Dulmiga ku dhisan ee 4.5, kaasoo ka turjamaya wax-qeybsiga Siyaasaseed ee Dalka, waxana uu Nidaamkan horseed ka noqdey in lagu dhiso Tiirarka Dowladeed. Dowladihii tagey marka laga reebo Dowladii Madaxweyne Shariif waxa ey Xilalka Dalka ku qeyb jireen habka 4.5, marka laga hadlayo Jagooyinka Siyaasadeed ee dalka, hadaba xagey wax ka qaldameen. Madaxweynihii hore ee Soomaaliya Shariif Sheekh Axmed, waxa uu ku tuntey Nidaamkii loo mari jirey awood-qeybsiga Safiirada waxana uu sidoo kale ku takari falay awooda sharci ee siineysa Magacaabista Safiirka iyo Qunsulka marka la eegayo Dastuurkii Qabyo Qoraalka ahaa iyo Kan Rasmiga ah ee qeexaya Awoodaha Madaxweynaha marka laga hadlaayo Magacaabista Safiirnimada.

Hadaba muxuu sameeyay Madaxweyne Shariif, waxa uu magacaabey ku dhowaad 10,Safiir waxana uu u magacaabey Rag ey Beel iyo Jaal Siyaasadeed yihiin, Akhriste waxaan xasuusan nahay in Madaxweyne Shariif uu Madaxweyne u noqdey Soomaali oo dhan, Dowladii meesha kaga horeyseyna ey laheyd Rag Siyaasiyiin ah loona baahna inuu loo qeybsho Jagooyinka Safiirnimada si Ragii ka horeeyay iyo isagu isula jaan qaadaan, Nasiib daro taasi ma dhicin, waxana uu Shariif Axmed, magacaabey Rag aan waligood soo marin Maamul-Dowladeed oo aan waxba ka aqoon Nidaamka Dibulomaasiyadu u shaqeyso, Akhriste bal dib u raadi CV Safiirada uu Magacaabey Ex-Madaxweyne Shariif, Majiro Safiir uu magacaabey oo gaarey Qunsul ama Xooghaye Safaaradeed.

Akhriste waxaa iyana jirtey Dood oraneysa Madaxweyne Shariif waxa uu Jagooyinkan ka qadiyay Beel Soomaaliyeed iyo Dowlada Puntland Soomaaliya maadama wax lagu qeybsanayay Nidaamka 4.5, walow uu yahay Nidaam dulmi ah hadana Soomaalidu wax ku qeybsato.

Dhowaan Waraabinta Soomaalida waxaa laga dheehanayay Safiiro laga aqbaley Codsigii Safiirnimo halka kuwa kale ey Boorsooyinka ku sitaan Waraaqihii lagu magacaabey, Suaasha iyo Caqbada hor imaneysa Dowlada cusub waxa weeye, Ma waxa ey eegi doontaa Eexdii uu sameeyay Ex-Madaxweyen Shariif ee uu ku baxshey Jagooyinka Safiirnimo hababkii Sharci darada ahaa mise waxa ey ka aamusi doontaa Cadaalad-xumadii dhacdey ee aan laga gaaraabin?? Suaashan waa iyo Xujadan waxa ey hortaal Dowalada Cusub.

Madaxweynaha Cusub ee Soomaaliya Xassan Sheekh Maxamuud, waxaa laga sugayaa inuu dib u eego isaga iyo Dowladiisa cusub Safiiradan iyo habka lagu baxshey isagoo eegaya Danta guud ee dalka, Madaxweyne Xassan Sh. Maxamuud, ayaa sugeysa sidoo kale inuu ummada ka qanciyo habkii loo marey Ansixinta Safiiradan iyo Sharciyadii la adeegsadey.

Dad badan oo aan ku jiro ayaa qaba Safiiradan cusub ineysan aheyn kuwa u qalma Ummada Soomaaliyeed in Safiir looga dhigo, anoon u gafeyn balse Khibrad Dowladeed iyo Aqoon Dibulomaasiyadeed kama dheehan karno Safiiradan cusub ee uu baxshey Ex-Madaxweyne Shariif, Akhriste Jawaabta adiga ayaan kuu daayay iyo inaad soo baarto Safiirada cusub iyo Shaqooyinkii ey Dowalnimo iyo Dibulomaasinmo ey soo qabteen.

Fiiro-gaar ah, Dowladaha uu Madaxweyne Shariif magacaabey waxaa kamid ah ah. Qatar Turkey South-Africa Sudan South Sudan Senegal Libya Roma Belgium Yemen Zambia, Iyo qaar kaloo wadada ku sii jira kuna sii jeeda Dalalkii loo magacaabey.

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s